kaba mahdud hai paband-e-sanam-KHana hai

ka.aba mahdūd hai pāband-e-sanam-ḳhāna hai

ishq har qaid-e-ḳhayālāt se begāna hai

kis qadar shoḳh mirī fitrat-e-rindāna hai

lab pe hai naam ḳhudā haath meñ paimāna hai

ḳhaak hone pe bhī dāmān sharar hī meñ rahā

kis qadar shoa.la-fishāñ fitrat-e-parvāna hai

faisla jazba-e-vahshat hai tujhī par mauqūf

ye qafas hai ye gulistāñ hai ye vīrāna hai

fursat-e-fikr-o-samā.at hai to sun lo aa kar

dil kī dhaḌkan meñ nihāñ dard kā afsāna hai

justajū-e-haram-o-dair nahīñ hai 'maikash'

dil hī ka.aba hai mirā dil hī sanam-ḳhāna hai

kaba mahdud hai paband-e-sanam-KHana hai

ishq har qaid-e-KHayalat se begana hai

kis qadar shoKH meri fitrat-e-rindana hai

lab pe hai nam KHuda hath mein paimana hai

KHak hone pe bhi daman sharar hi mein raha

kis qadar shoala-fishan fitrat-e-parwana hai

faisla jazba-e-wahshat hai tujhi par mauquf

ye qafas hai ye gulistan hai ye virana hai

fursat-e-fikr-o-samaat hai to sun lo aa kar

dil ki dhaDkan mein nihan dard ka afsana hai

justaju-e-haram-o-dair nahin hai 'maikash'

dil hi kaba hai mera dil hi sanam-KHana hai