kabe hi ka ab qasd ye gumrah karega

kaabe hī kā ab qasd ye gumrāh karegā

jo tum se butāñ hogā so allāh karegā

zulfoñ se paḌā tuul meñ ab ishq kā jhagḌā

ḳhat aan ke ye majhla kotāh karegā

bose kī talab se to rahegā tabhī ai dil

jab gāliyāñ do-chār vo tanḳhvāh karegā

ā.īne ko Tuk bhar ke nazar dekh to pyāre

vo tujh ko mire haal se āgāh karegā

ahvāl-e-dil-e-zār tujhe hovegā mālūm

jab tū kisī mah-vash kī miyāñ chaah karegā

vaahī na samajh 'soz' ke paimāñ ko tū ai yaar

jo tujh se kiyā ahd so nirbāh karegā

kabe hi ka ab qasd ye gumrah karega

jo tum se butan hoga so allah karega

zulfon se paDa tul mein ab ishq ka jhagDa

KHat aan ke ye majhla kotah karega

bose ki talab se to rahega tabhi ai dil

jab galiyan do-chaar wo tanKHwah karega

aaine ko Tuk bhar ke nazar dekh to pyare

wo tujh ko mere haal se aagah karega

ahwal-e-dil-e-zar tujhe howega malum

jab tu kisi mah-wash ki miyan chah karega

wahi na samajh 'soz' ke paiman ko tu ai yar

jo tujh se kiya ahd so nirbah karega