kabe ki aarzu hai na but-KHana chahiye

ka.abe kī aarzū hai na but-ḳhāna chāhiye

mai-ḳhāna chāhiye dar-e-jānāna chāhiye

īmāñ ke imtiyāz kā ā.īna kufr hai

ka.abe ke muttasil hī sanam-ḳhāna chāhiye

vahshat hai aur ishq-e-junūñ-ḳhez aur hai

zanjīr zulf kī pa-e-dīvāna chāhiye

yaksūī-e-ḳhayāl hai ābādiyoñ se duur

dīvāngān-e-ishq ko vīrāna chāhiye

tum jis jagah ho kyoñ na ho merā vahāñ guzar

har anjuman meñ sham.a ko parvāna chāhiye

mai-ḳhvār paañv rakhne lage haiñ sañbhāl kar

saaqī phir un ko laġhzish-e-mastāna chāhiye

mai se ġharaz na sāġhar-o-mīnā se vāsta

terī nashīlī aañkh kā paimāna chāhiye

saaqī ke dast-e-faiz ne insāñ banā diyā

ai shaiḳh adā-e-sajda-e-shukrāna chāhiye

vā bāb-e-mai-kada bhī hai baada bhī jaam bhī

'navvāb' sirf jur.at-e-rindāna chāhiye

kabe ki aarzu hai na but-KHana chahiye

mai-KHana chahiye dar-e-jaanana chahiye

iman ke imtiyaz ka aaina kufr hai

kabe ke muttasil hi sanam-KHana chahiye

wahshat hai aur ishq-e-junun-KHez aur hai

zanjir zulf ki pa-e-diwana chahiye

yaksui-e-KHayal hai aabaadiyon se dur

diwangan-e-ishq ko virana chahiye

tum jis jagah ho kyon na ho mera wahan guzar

har anjuman mein shama ko parwana chahiye

mai-KHwar panw rakhne lage hain sanbhaal kar

saqi phir un ko laghzish-e-mastana chahiye

mai se gharaz na saghar-o-mina se wasta

teri nashili aankh ka paimana chahiye

saqi ke dast-e-faiz ne insan bana diya

ai shaiKH ada-e-sajda-e-shukrana chahiye

wa bab-e-mai-kada bhi hai baada bhi jam bhi

'nawwab' sirf jurat-e-rindana chahiye