kafir din aur munkir raaten kin waqton mein aa pahuncha hun

kāfir din aur munkir rāteñ kin vaqtoñ meñ aa pahuñchā huuñ

tahtus-sarā meñ le jā.eñge jin logoñ meñ aa pahuñchā huuñ

mere dhuñdle naqsh dobārā kuchh gahre hote jaate haiñ

chalte phirte pahlī umr ke biite dinoñ meñ aa pahuñchā huuñ

ik ummīd hai aane vaalā vaqt mujhe bhī dohrā.egā

lafz-o-ḳhayāl-o-fikr meñ Dhal kar maiñ sheroñ meñ aa pahuñchā huuñ

in zarroñ kī muTThī meñ bhī sad-hā ḳhvāboñ kī qabreñ haiñ

dil meñ itne sog uThā kar kin rastoñ meñ aa pahuñchā huuñ

jin meñ koī rang-e-mohabbat ubhrā nahīñ hai koshish se bhī

apnā shauq-e-nazāra le ke kin āñkhoñ meñ aa pahuñchā huuñ

taaza ThanDī sabz havā.eñ har ik mausam meñ hañstī thiiñ

is manzar ko DhūñDte aaj maiñ in galiyoñ meñ aa pahuñchā huuñ

kafir din aur munkir raaten kin waqton mein aa pahuncha hun

tahtus-sara mein le jaenge jin logon mein aa pahuncha hun

mere dhundle naqsh dobara kuchh gahre hote jate hain

chalte phirte pahli umr ke bite dinon mein aa pahuncha hun

ek ummid hai aane wala waqt mujhe bhi dohraega

lafz-o-KHayal-o-fikr mein Dhal kar main sheron mein aa pahuncha hun

in zarron ki muTThi mein bhi sad-ha KHwabon ki qabren hain

dil mein itne sog uTha kar kin raston mein aa pahuncha hun

jin mein koi rang-e-mohabbat ubhra nahin hai koshish se bhi

apna shauq-e-nazara le ke kin aankhon mein aa pahuncha hun

taza ThanDi sabz hawaen har ek mausam mein hansti thin

is manzar ko DhunDte aaj main in galiyon mein aa pahuncha hun