kafir tha main KHuda ka na munkir dua ka tha

Akbar Hameedi

kafir tha main KHuda ka na munkir dua ka tha

Akbar Hameedi

MORE BYAkbar Hameedi

    kāfir thā maiñ ḳhudā na munkir duā thā

    lekin yahāñ savāl shikast-e-anā thā

    kuchh ishq-o-āshiqī pe nahīñ merā e'tiqād

    maiñ jis ko chāhtā thā hasīñ intihā thā

    jal kar girā huuñ sūkhe shajar se uḌā nahīñ

    maiñ ne vahī kiyā jo taqāzā vafā thā

    tārīk raat mausam-e-barsāt jān-e-zār

    girdāb pīchhe sāmne tūfāñ havā thā

    ik umr ba.ad bhī na shifā ho sake to kyā

    rag rag meñ zahr sadiyoñ āb-o-havā thā

    go rāhzan vaar bhī kuchh kam na thā magar

    jo vaar kārgar huā vo rahnumā thā

    'akbar' jahāñ meñ kār-kushā.ī butoñ thī

    achchhā rahā jo mānñe vaalā ḳhudā thā

    kafir tha main KHuda ka na munkir dua ka tha

    lekin yahan sawal shikast-e-ana ka tha

    kuchh ishq-o-ashiqi pe nahin mera e'tiqad

    main jis ko chahta tha hasin intiha ka tha

    jal kar gira hun sukhe shajar se uDa nahin

    main ne wahi kiya jo taqaza wafa ka tha

    tarik raat mausam-e-barsat jaan-e-zar

    girdab pichhe samne tufan hawa ka tha

    ek umr baad bhi na shifa ho sake to kya

    rag rag mein zahr sadiyon ki aab-o-hawa ka tha

    go rahzan ka war bhi kuchh kam na tha magar

    jo war kargar hua wo rahnuma ka tha

    'akbar' jahan mein kar-kushai buton ki thi

    achchha raha jo manne wala KHuda ka tha

    Source :
    • Book : Auraaq (Pg. 194)
    • Author : Vazeer Agha
    • Publication : Office auraq. chouck Urdu Bazar, Lahore (Nov. Dec. 1974)
    • Edition : Nov. Dec. 1974
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY