kaghaz qalam kitab se mahrum ho gae

kāġhaz qalam kitāb se mahrūm ho ga.e

ham jiite jī jahān meñ marhūm ho ga.e

hākim bane to kho ga.e duniyā-e-aish meñ

saaqī sharāb jaam ke mahkūm ho ga.e

maqtūl hī pe aa gayā ilzām-e-ḳhud-kushī

qātil nigāh-e-adl meñ ma.asūm ho ga.e

ġhurbat meñ saath chhoḌ diyā tū ne bhī mirā

ma.anī tire ḳhulūs ke mālūm ho ga.e

kis se mileñ ki zehn nahīñ hai kisī kā saaf

saare hī log shahr ke masmūm ho ga.e

jab zindagī meñ diin thā ḳhushiyāñ thiiñ chār-sū

ġhāfil hue to dahr meñ maġhmūm ho ga.e

matlab-parast rah ga.e 'qaisar' jahān meñ

jo paikar-e-ḳhulūs the mādūm ho ga.e

kaghaz qalam kitab se mahrum ho gae

hum jite ji jahan mein marhum ho gae

hakim bane to kho gae duniya-e-aish mein

saqi sharab jam ke mahkum ho gae

maqtul hi pe aa gaya ilzam-e-KHud-kushi

qatil nigah-e-adl mein masum ho gae

ghurbat mein sath chhoD diya tu ne bhi mera

mani tere KHulus ke malum ho gae

kis se milen ki zehn nahin hai kisi ka saf

sare hi log shahr ke masmum ho gae

jab zindagi mein din tha KHushiyan thin chaar-su

ghafil hue to dahr mein maghmum ho gae

matlab-parast rah gae 'qaisar' jahan mein

jo paikar-e-KHulus the madum ho gae