kaghaz tha main diye pe mujhe rakh diya gaya

kāġhaz thā maiñ diye pe mujhe rakh diyā gayā

ik aur martabe pe mujhe rakh diyā gayā

ik be-badan kā 'aks banāyā gayā huuñ maiñ

be-āb aa.ine pe mujhe rakh diyā gayā

kuchh to khiñchī khiñchī sī thī sā'at visāl kī

kuchh yuuñ bhī fāsle pe mujhe rakh diyā gayā

muñh-māñge daam de ke ḳharīdā aur us ke baa'd

ik ḳhaas zāviye pe mujhe rakh diyā gayā

kal raat mujh ko chorī kiyā jā rahā thā yaar

aur mere jāgne pe mujhe rakh diyā gayā

achchhā bhalā paḌā thā maiñ apne vajūd meñ

duniyā ke rāste pe mujhe rakh diyā gayā

pahle to merī miTTī se mujh ko kiyā charāġh

phir mere maqbare pe mujhe rakh diyā gayā

'anjum' havā ke zor pe jaanā hai us taraf

paanī ke bulbule pe mujhe rakh diyā gayā

kaghaz tha main diye pe mujhe rakh diya gaya

ek aur martabe pe mujhe rakh diya gaya

ek be-badan ka 'aks banaya gaya hun main

be-ab aaine pe mujhe rakh diya gaya

kuchh to khinchi khinchi si thi sa'at visal ki

kuchh yun bhi fasle pe mujhe rakh diya gaya

munh-mange dam de ke KHarida aur us ke ba'd

ek KHas zawiye pe mujhe rakh diya gaya

kal raat mujh ko chori kiya ja raha tha yar

aur mere jagne pe mujhe rakh diya gaya

achchha bhala paDa tha main apne wajud mein

duniya ke raste pe mujhe rakh diya gaya

pahle to meri miTTi se mujh ko kiya charagh

phir mere maqbare pe mujhe rakh diya gaya

'anjum' hawa ke zor pe jaana hai us taraf

pani ke bulbule pe mujhe rakh diya gaya