kaghazi kashtiyan banate the

kāġhazī kashtiyāñ banāte the

ham farishtoñ ke kaam aate the

us ko dekhā to aaj yaad aaya

ham kabhī sog bhī manāte the

ḳhvāb phirte the aañkh meñ shab-bhar

ham galī meñ sadā lagāte the

log hañste the is liye ham par

ham girī jhanDiyāñ uThāte the

ab to hiire tarāshte haiñ bas

pahle ham bhī ḳhudā banāte the

kaghazi kashtiyan banate the

hum farishton ke kaam aate the

us ko dekha to aaj yaad aaya

hum kabhi sog bhi manate the

KHwab phirte the aankh mein shab-bhar

hum gali mein sada lagate the

log hanste the is liye hum par

hum giri jhanDiyan uThate the

ab to hire tarashte hain bas

pahle hum bhi KHuda banate the