کاغذی ناؤ چلاتے رہے ہم پانی پر

کاغذی ناؤ چلاتے رہے ہم پانی پر

دل کو مامور کیا غم کی نگہبانی پر

میں تڑپ جاتا تھا کل جن کی پریشانی پر

اب وہی ہنستے ہیں دیکھو مری ویرانی پر

اب کسی بات پہ حیرانی نہیں ہوتی مجھے

لوگ حیران ہوا کرتے ہیں حیرانی پر

ہم پہ آسانی کہاں کھلتی ہے آسانی سے

فوقیت دیتے ہیں مشکل کو ہی آسانی پر

ممتحن عشق کے اب اہل ہوس ہیں شاید

پورے نمبر نہیں ملتے ہمیں نادانی پر

ہار کر دل جسے سب سونپ دیا تھا عامرؔ

وہ بھی راضی نہ ہوا دل کی جہاں بانی پر