kahe ko aise DhiT the pahle jhuTi qasam jo khate tum

kaahe ko aise DhiiT the pahle jhūTī qasam jo khāte tum

ġhairat se aa jaatā pasīnā aañkh na ham se milāte tum

haif tumheñ fursat hī nahīñ hai varna kyā kyā hasrat thī

haal hamārā kuchh sun lete kuchh haal apnā sunāte tum

nañg hai milnā aar takallum ek zamāna aisā thā

bazm meñ apnī ham ko bulā kar izzat se biThlāte tum

ham vo nahīñ yā tum vo nahīñ tum hañste ho aur ham rote haiñ

yā hichkī ulTī jaatī thī jitnā hameñ samjhāte tum

vaz.a bhī koī shai hai āḳhir dil ko 'asar' samjhānā thā

dar se kisī ke ik baar uTh kar kaash dobāra na jaate tum

kahe ko aise DhiT the pahle jhuTi qasam jo khate tum

ghairat se aa jata pasina aankh na hum se milate tum

haif tumhein fursat hi nahin hai warna kya kya hasrat thi

haal hamara kuchh sun lete kuchh haal apna sunate tum

nang hai milna aar takallum ek zamana aisa tha

bazm mein apni hum ko bula kar izzat se biThlate tum

hum wo nahin ya tum wo nahin tum hanste ho aur hum rote hain

ya hichki ulTi jati thi jitna hamein samjhate tum

waza bhi koi shai hai aaKHir dil ko 'asar' samjhana tha

dar se kisi ke ek bar uTh kar kash dobara na jate tum