kale kawwon ne tabahi wo machai tauba

kaale kavvoñ ne tabāhī vo machā.ī tauba

baaġh ke tote uḌe baaġh meñ amrūd na the

mere baare meñ baḌe logoñ ne kyā kyā na kahā

vāqi'a ye ki jinheñ sunñā thā maujūd na the

masjideñ bain kiye jaatī thiiñ ḳhāmoshī se

sajda-gāheñ thī magar sājid-o-masjūd na the

ek ko sajda kiyā ek basāyā dil meñ

achchhe lagte the mujhe but mire mā'būd na the

un ke hote hue kyā qaum taraqqī kartī

muqtadir the vo koī sāhib-e-bahbūd na the

tum se pahle bhī kahāñ achchhe the itne lekin

bigḌe sañvre hue hālāt the nābūd na the

maiñ nā kahtā thā ahad hote haiñ lā-had saare

‘ḳhān-hasrat' ke irāde kabhī mahdūd na the

kale kawwon ne tabahi wo machai tauba

bagh ke tote uDe bagh mein amrud na the

mere bare mein baDe logon ne kya kya na kaha

waqi'a ye ki jinhen sunna tha maujud na the

masjiden bain kiye jati thin KHamoshi se

sajda-gahen thi magar sajid-o-masjud na the

ek ko sajda kiya ek basaya dil mein

achchhe lagte the mujhe but mere ma'bud na the

un ke hote hue kya qaum taraqqi karti

muqtadir the wo koi sahib-e-bahbud na the

tum se pahle bhi kahan achchhe the itne lekin

bigDe sanwre hue haalat the nabud na the

main na kahta tha ahad hote hain la-had sare

‘KHan-hasrat' ke irade kabhi mahdud na the