kali ghaTa mein chand ne chehra chhupa liya

kaalī ghaTā meñ chāñd ne chehra chhupā liyā

phūloñ kī rut ne baaġh se ḳhema uThā liyā

rūThe haiñ vo to vasl kī rut ḳhvāb ho ga.ī

ham ne judā.iyoñ ko gale se lagā liyā

jashn-e-tarab kī raat baḌī ḳhush-gavār thī

tere badan kī baas ko rut ne churā liyā

ik gul-badan milī jo sarāpā sipās thī

āñkhoñ ke rāste use dil meñ biThā liyā

aisī nigāh pyaar kī yuuñ 'tāj' ko milī

dil ke nagar meñ ek diyā sā jalā liyā

kali ghaTa mein chand ne chehra chhupa liya

phulon ki rut ne bagh se KHema uTha liya

ruThe hain wo to wasl ki rut KHwab ho gai

hum ne judaiyon ko gale se laga liya

jashn-e-tarab ki raat baDi KHush-gawar thi

tere badan ki bas ko rut ne chura liya

ek gul-badan mili jo sarapa sipas thi

aankhon ke raste use dil mein biTha liya

aisi nigah pyar ki yun 'taj' ko mili

dil ke nagar mein ek diya sa jala liya