kali raaton mein bhar gae aaKHir

kaalī rātoñ meñ bhar ga.e āḳhir

rañg vo jo utar ga.e āḳhir

ḳhāmushī umr bhar nahīñ soī

chāñd taare bikhar ga.e āḳhir

dostī bādaloñ se kī ham ne

jahāñ Thahre ubhar ga.e āḳhir

zindagī kuchh vafā bhī kartī hai

isī ḳhvāhish meñ mar ga.e āḳhir

dil to kahtā thā jī na pā.eñge

dekh par ham mukar ga.e āḳhir

kali raaton mein bhar gae aaKHir

rang wo jo utar gae aaKHir

KHamushi umr bhar nahin soi

chand tare bikhar gae aaKHir

dosti baadalon se ki hum ne

jahan Thahre ubhar gae aaKHir

zindagi kuchh wafa bhi karti hai

isi KHwahish mein mar gae aaKHir

dil to kahta tha ji na paenge

dekh par hum mukar gae aaKHir