kaam ab koi na aaega bas ek dil ke siwa
kaam ab koī na aa.egā bas ik dil ke sivā
rāste band haiñ sab kūcha-e-qātil ke sivā
bā.is-e-rashk hai tanhā-ravī-e-rah-rav-e-shauq
ham-safar koī nahīñ dūrī-e-manzil ke sivā
ham ne duniyā kī har ik shai se uThāyā dil ko
lekin ek shoḳh ke hañgāma-e-mahfil ke sivā
teġh munsif ho jahāñ dār-o-rasan hoñ shāhid
be-gunah kaun hai us shahr meñ qātil ke sivā
jaane kis rañg se aa.ī hai gulistāñ meñ bahār
koī naġhma hī nahīñ shor-e-salāsil ke sivā
kaam ab koi na aaega bas ek dil ke siwa
raste band hain sab kucha-e-qatil ke siwa
bais-e-rashk hai tanha-rawi-e-rah-raw-e-shauq
ham-safar koi nahin duri-e-manzil ke siwa
hum ne duniya ki har ek shai se uThaya dil ko
lekin ek shoKH ke hangama-e-mahfil ke siwa
tegh munsif ho jahan dar-o-rasan hon shahid
be-gunah kaun hai us shahr mein qatil ke siwa
jaane kis rang se aai hai gulistan mein bahaar
koi naghma hi nahin shor-e-salasil ke siwa
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
