kaam itna mere pyare charKH-e-kuhan se nikle

kaam itnā mere pyāre charḳh-e-kuhan se nikle

tum se na huuñ judā maiñ jab jaan tan se nikle

tum hālat-e-naza.a meñ bhī paas mere rahnā

tā kalima-e-mohammad mere dahan se nikle

yārab na tā-qayāmat muhtāj huuñ kisī kā

jo ho mirī tamannā vo panj-tan se nikle

vahshat na qabr meñ ho tum sāmne hī rahnā

dast-e-junūñ na merā bāhar kafan se nikle

hai lutf zindagī kā ba.ad-az-fanā usī meñ

nām-e-ḳhudā jo apne sab tan-badan se nikle

roza namāz tasbīh pahuñchā.eñge na vaañ tak

hogā visāl usī ko jo mā-o-man se nikle

apnī ḳhabar na baaqī rah jā.egī kisī ko

parde se gar kahīñ vo ik bāñkpan se nikle

yād-e-qad-e-sanam meñ maiñ duuñ misāl us vaqt

jab kaam koī merā sarv-e-chaman se nikle

'mardāñ' jo koī Duube dariyā-e-ishq meñ vo

chhoTe ḳhudī se apne hubb-e-vatan se nikle

kaam itna mere pyare charKH-e-kuhan se nikle

tum se na hun juda main jab jaan tan se nikle

tum haalat-e-naza mein bhi pas mere rahna

ta kalima-e-mohammad mere dahan se nikle

yarab na ta-qayamat muhtaj hun kisi ka

jo ho meri tamanna wo panj-tan se nikle

wahshat na qabr mein ho tum samne hi rahna

dast-e-junun na mera bahar kafan se nikle

hai lutf zindagi ka baad-az-fana usi mein

nam-e-KHuda jo apne sab tan-badan se nikle

roza namaz tasbih pahunchaenge na wan tak

hoga visal usi ko jo ma-o-man se nikle

apni KHabar na baqi rah jaegi kisi ko

parde se gar kahin wo ek bankpan se nikle

yaad-e-qad-e-sanam mein main dun misal us waqt

jab kaam koi mera sarw-e-chaman se nikle

'mardan' jo koi Dube dariya-e-ishq mein wo

chhoTe KHudi se apne hubb-e-watan se nikle