kaam na aai kuchh bhi yaro mere raqibon ki bad-KHui

kaam na aa.ī kuchh bhī yaaro mere raqīboñ kī bad-ḳhūī

fazl-e-ḳhudā se huā ziyāda ishq mirā us kī ḳhush-ruī

hañs kar dekhe to khil jā.ūñ vo muñh phere to murjhā.ūñ

mere ehsāsāt ko us ne kar Daalā chhūī-mūī

aap ke marham se to mere zaḳhm hue haiñ aur ziyāda

aap hī Thahre chārāgar to kis ko majāl-e-chārā-jūī

ḳhizāñ meñ bhī huuñ chāk-garebāñ rafū karūñ āḳhir maiñ kab tak

kahāñ kā dāman kaisī baḳhiya bhaaḌ meñ jaa.e dhāgā suuī

allah se hai tujh ko ulfat hūroñ se hai tujh ko raġhbat

ye to batā zāhid sajde meñ hotī hai kaise yaksūī

mere hī kahne par 'shāhid' chhup kar milne aaya thā vo

logoñ ne ye baat zarā sī shahr meñ kar dī ruuī ruuī

kaam na aai kuchh bhi yaro mere raqibon ki bad-KHui

fazl-e-KHuda se hua ziyaada ishq mera us ki KHush-rui

hans kar dekhe to khil jaun wo munh phere to murjhaun

mere ehsasat ko us ne kar Dala chhui-mui

aap ke marham se to mere zaKHm hue hain aur ziyaada

aap hi Thahre chaaragar to kis ko majal-e-chaara-jui

KHizan mein bhi hun chaak-gareban rafu karun aaKHir main kab tak

kahan ka daman kaisi baKHiya bhaD mein jae dhaga sui

allah se hai tujh ko ulfat huron se hai tujh ko raghbat

ye to bata zahid sajde mein hoti hai kaise yaksui

mere hi kahne par 'shahid' chhup kar milne aaya tha wo

logon ne ye baat zara si shahr mein kar di rui rui