کان لگا کے سنتی کیا ہے
کان لگا کے سنتی کیا ہے
کیا دیوار میں در رکھا ہے
بیتے کل نے دستک دی ہے
یادوں کا اک شہر ملا ہے
کمرے کی دیوار کا گریہ
ہاں ہاں میں نے آپ سنا ہے
میری اک کروٹ پر جاگے
نیند کا وہ کتنا کچا ہے
روٹی مانگتے بچے کو تو
کیسے دھکے مار رہا ہے
سنتے ہیں اک شہزادی نے
اک درویش کا ساتھ چنا ہے
کوئی سند درکار نہیں ہے
کچا پکا جو لکھا ہے
دھڑکن دھڑکن کرلاتی ہے
دیکھو میز پہ دکھ رکھا ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
