kandhon se zindagi ko utarne nahin diya
kāñdhoñ se zindagī ko utarne nahīñ diyā
us maut ne kabhī mujhe marne nahīñ diyā
pūchhā thā aaj mere tabassum ne ik savāl
koī javāb dīda-e-tar ne nahīñ diyā
tujh tak maiñ apne aap se ho kar guzar gayā
rasta jo terī raah guzarne nahīñ diyā
kitnā ajiib merā bikharnā hai dosto
maiñ ne kabhī jo ḳhud ko bikharne nahīñ diyā
hai imtihān kaun sā sahrā-e-zindagī
ab tak jo tere ḳhāk-basar ne nahīñ diyā
yaaro 'amīr' imaam bhī ik āftāb thā
par us ko tīrgī ne ubharne nahīñ diyā
kandhon se zindagi ko utarne nahin diya
us maut ne kabhi mujhe marne nahin diya
puchha tha aaj mere tabassum ne ek sawal
koi jawab dida-e-tar ne nahin diya
tujh tak main apne aap se ho kar guzar gaya
rasta jo teri rah guzarne nahin diya
kitna ajib mera bikharna hai dosto
main ne kabhi jo KHud ko bikharne nahin diya
hai imtihan kaun sa sahra-e-zindagi
ab tak jo tere KHak-basar ne nahin diya
yaro 'amir' imam bhi ek aaftab tha
par us ko tirgi ne ubharne nahin diya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
