kanTa sa jo chubha tha wo lau de gaya hai kya

Ada Jafarey

kanTa sa jo chubha tha wo lau de gaya hai kya

Ada Jafarey

MORE BY Ada Jafarey

    kāñTā jo chubhā thā vo lau de gayā hai kyā

    ghultā huā lahū meñ ye ḳhurshīd hai kyā

    palkoñ ke biich saare ujāle simaT ga.e

    saaya na saath de ye vahī marhala hai kyā

    maiñ āñdhiyoñ ke paas talāsh-e-sabā meñ huuñ

    tum mujh se pūchhte ho mirā hausla hai kyā

    sāgar huuñ aur mauj ke har dā.ere meñ huuñ

    sāhil pe koī naqsh-e-qadam kho gayā hai kyā

    sau sau tarah likhā to sahī harf-e-ārzū

    ik harf-e-ārzū mirī intihā hai kyā

    ik ḳhvāb-e-dil-pazīr ghanī chhāñv tarah

    ye bhī nahīñ to phir mirī zanjīr-e-pā hai kyā

    kyā phir kisī ne qarz-e-muravvat adā kiyā

    kyuuñ aañkh be-savāl hai dil phir dukhā hai kyā

    kanTa sa jo chubha tha wo lau de gaya hai kya

    ghulta hua lahu mein ye KHurshid sa hai kya

    palkon ke bich sare ujale simaT gae

    saya na sath de ye wahi marhala hai kya

    main aandhiyon ke pas talash-e-saba mein hun

    tum mujh se puchhte ho mera hausla hai kya

    sagar hun aur mauj ke har daere mein hun

    sahil pe koi naqsh-e-qadam kho gaya hai kya

    sau sau tarah likha to sahi harf-e-arzu

    ek harf-e-arzu hi meri intiha hai kya

    ek KHwab-e-dil-pazir ghani chhanw ki tarah

    ye bhi nahin to phir meri zanjir-e-pa hai kya

    kya phir kisi ne qarz-e-murawwat ada kiya

    kyun aankh be-sawal hai dil phir dukha hai kya

    Videos
    This video is playing from YouTube

    Videos
    This video is playing from YouTube

    Unknown

    Unknown

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites