kanTon mein phul kaise khila humse puchhiye

kāñToñ meñ phuul kaise khilā ham se pūchhiye

kyā hai maqām-e-sabr-o-razā ham se pūchhiye

nigarāñ hai jo furāt ke vo kyā batā.eñge

haañ tishnagī-e-karb-o-balā ham se pūchhiye

ye rāhbar haiñ jitne rivāyat-pasand haiñ

be-nām manziloñ kā pata ham se pūchhiye

har ek inqilāb kī zad par hamīñ rahe

har imtihāñ hamīñ ne diyā ham se pūchhiye

maazī kī baat aur thī 'mumtāz' aaj bhī

ḳhud-sāḳhta haiñ kitne ḳhudā ham se pūchhiye

kanTon mein phul kaise khila hum se puchhiye

kya hai maqam-e-sabr-o-raza hum se puchhiye

nigaran hai jo furaat ke wo kya bataenge

han tishnagi-e-karb-o-bala hum se puchhiye

ye rahbar hain jitne riwayat-pasand hain

be-nam manzilon ka pata hum se puchhiye

har ek inqilab ki zad par hamin rahe

har imtihan hamin ne diya hum se puchhiye

mazi ki baat aur thi 'mumtaz' aaj bhi

KHud-saKHta hain kitne KHuda hum se puchhiye