karwan sust-musafir ko saza deta hai

kārvāñ sust-musāfir ko sazā detā hai

zard patte ko har ik peḌ girā detā hai

apnī āñkhoñ ko vo be-vaj.h sazā detā hai

giile īñdhan ko agar koī havā detā hai

ab mire bas meñ kahāñ hai ki maiñ vāpas aa.uuñ

merā maazī mujhe bekār sadā detā hai

kis liye tū ne bujhā Daale sulagte sapne

kis liye ab inheñ rah rah ke havā detā hai

zindagī ham ne banā.ī hai 'amal se lekin

ham bhī kahte haiñ ye hī sab ko ḳhudā detā hai

ek bahtā huā tinkā bhī aham hai 'zarrīñ'

apnī raftār se dariyā kā patā detā hai

karwan sust-musafir ko saza deta hai

zard patte ko har ek peD gira deta hai

apni aankhon ko wo be-wajh saza deta hai

gile indhan ko agar koi hawa deta hai

ab mere bas mein kahan hai ki main wapas aaun

mera mazi mujhe bekar sada deta hai

kis liye tu ne bujha Dale sulagte sapne

kis liye ab inhen rah rah ke hawa deta hai

zindagi hum ne banai hai 'amal se lekin

hum bhi kahte hain ye hi sab ko KHuda deta hai

ek bahta hua tinka bhi aham hai 'zarrin'

apni raftar se dariya ka pata deta hai