kash abr kare chadar-e-mahtab ki chori

kaash abr kare chādar-e-mahtāb kī chorī

tā mujh se bhī ho jām-e-mai-e-nāb kī chorī

Tuk takiya pe sar dhar ke rahā so to lagā.ī

sāhab ne hameñ masnad-e-kam-ḳhvāb kī chorī

sīmāb ke aañsū vo sadā ro.e ilāhī

kī jis ne ho mere dil-e-betāb kī chorī

vo ishq ki sach ā.ankhoñ se kājal ko churā le

kis tarah na āshiq ke kare ḳhvāb kī chorī

mujh ko sar-e-bāzār ghisaTvā ke nikālā

kī us ne hī kuchh ḳhāna-e-navvāb kī chorī

jis ne ki mire chehre se aab aah uḌā le

sābit huī us par dur-e-nāyāb kī chorī

shab sendh jo dī daaġh kī ek chor ne 'inshā'

to ho ga.ī sab sabr ke asbāb kī chorī

kash abr kare chadar-e-mahtab ki chori

ta mujh se bhi ho jam-e-mai-e-nab ki chori

Tuk takiya pe sar dhar ke raha so to lagai

sahab ne hamein masnad-e-kam-KHwab ki chori

simab ke aansu wo sada roe ilahi

ki jis ne ho mere dil-e-betab ki chori

wo ishq ki sach aaankhon se kajal ko chura le

kis tarah na aashiq ke kare KHwab ki chori

mujh ko sar-e-bazar ghisaTwa ke nikala

ki us ne hi kuchh KHana-e-nawwab ki chori

jis ne ki mere chehre se aab aah uDa le

sabit hui us par dur-e-nayab ki chori

shab sendh jo di dagh ki ek chor ne 'insha'

to ho gai sab sabr ke asbab ki chori