kash baadal ki tarah pyar ka saya hota
kaash bādal kī tarah pyaar kā saayā hotā
phir maiñ din raat tire shahr pe chhāyā hotā
raah meñ aag ke dariyā se guzarnā thā agar
tū ne ḳhvāboñ kā jazīra na dikhāyā hotā
mujh sī taḳhlīq kā ilzām na aatā tujh par
maiñ agar naqsh-e-ġhalat thā na banāyā hotā
ḳhvāb TuuTe the agar tere bhī merī hī tarah
bojh kuchh terī bhī palkoñ ne uThāyā hotā
lams hāthoñ kā bhī kaafī thā pighalne ke liye
mom ke but ko zamīñ par na girāyā hotā
kash baadal ki tarah pyar ka saya hota
phir main din raat tere shahr pe chhaya hota
rah mein aag ke dariya se guzarna tha agar
tu ne KHwabon ka jazira na dikhaya hota
mujh si taKHliq ka ilzam na aata tujh par
main agar naqsh-e-ghalat tha na banaya hota
KHwab TuTe the agar tere bhi meri hi tarah
bojh kuchh teri bhi palkon ne uThaya hota
lams hathon ka bhi kafi tha pighalne ke liye
mom ke but ko zamin par na giraya hota
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
