kash humse bhi wo ranjish karte

kaash ham se bhī vo ranjish karte

ham manā lene kī koshish karte

aap sun lete gar hamdardī se

ham bhī thoḌī sī guzārish karte

terā andāz thā yaktā varna

log kis kis kī parastish karte

zindagī terī atā thī varna

ham kahāñ jiine kī ḳhvāhish karte

ham bhī shīrīñ ke rahe haiñ tālib

ham bhī farhād sī kāvish karte

kaash vo bhī kabhī sun kar 'anvar'

mere sheroñ kī satā.ish karte

kash hum se bhi wo ranjish karte

hum mana lene ki koshish karte

aap sun lete gar hamdardi se

hum bhi thoDi si guzarish karte

tera andaz tha yakta warna

log kis kis ki parastish karte

zindagi teri ata thi warna

hum kahan jine ki KHwahish karte

hum bhi shirin ke rahe hain talib

hum bhi farhad si kawish karte

kash wo bhi kabhi sun kar 'anwar'

mere sheron ki sataish karte