کاش ہندو نہ مسلماں ہوتا
کاش ہندو نہ مسلماں ہوتا
صرف اک پیارا سا انساں ہوتا
امن کے پھول مہکتے ہر سو
ہر نگر ایک گلستاں ہوتا
دھرم کے نام پہ ہوتے نہ فساد
فتنہ و شر کا نہ طوفاں ہوتا
زندگی بنتی نہ ویران کھنڈر
خون انساں کا نہ ارزاں ہوتا
شہر کی روح نہ ہوتی گھائل
اتنا خونخوار نہ انساں ہوتا
اس طرح بنتا نہ حیوان بشر
امن مذہب پہ نہ قرباں ہوتا
زیست رہ جاتی نہ مقتل بن کر
پیار کا باغ نہ ویراں ہوتا
زندگی صبر و سکوں سے کٹتی
کوئی بے گھر نہ پریشاں ہوتا
دور تخریب کا ہے نازلیؔ کاش
کوئی تعمیر کا ساماں ہوتا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
