kash itna tu mere pas kabhi aa jae

kaash itnā tū mire paas kabhī aa jaa.e

biich se ho ke havā jaa.e to sharmā jaa.e

ye terī yaad kā aanā bhī hai kuchh aisā hī

jaise mehmān achānak se koī aa jaa.e

is liye bhī maiñ tujhe yaad kiyā kartā huuñ

kyā pata kal ko ye exam meñ pūchhā jaa.e

kaash aisā ho ki ai yaar kisī din mujh se

raah chalte hue ik baar tū Takrā jaa.e

ek maiñ huuñ jo tujhe dekh ke paglā jā.ūñ

ek tū hai jo mujhe dekh ke sharmā jaa.e

yuuñ lagegā ke koī chāñd chhupā ho jaise

ye tirī zulf jo chehre pe tire aa jaa.e

maiñ yahī soch ke chhūne se tujhe Dartā huuñ

ye tirī aag mirā jism na jhulsā jaa.e

kash itna tu mere pas kabhi aa jae

bich se ho ke hawa jae to sharma jae

ye teri yaad ka aana bhi hai kuchh aisa hi

jaise mehman achanak se koi aa jae

is liye bhi main tujhe yaad kiya karta hun

kya pata kal ko ye exam mein puchha jae

kash aisa ho ki ai yar kisi din mujh se

rah chalte hue ek bar tu Takra jae

ek main hun jo tujhe dekh ke pagla jaun

ek tu hai jo mujhe dekh ke sharma jae

yun lagega ke koi chand chhupa ho jaise

ye teri zulf jo chehre pe tere aa jae

main yahi soch ke chhune se tujhe Darta hun

ye teri aag mera jism na jhulsa jae