kash sunte wo pur-asar baaten

kaash sunte vo pur-asar bāteñ

dil se jo kī thiiñ umr-bhar bāteñ

be-sabab tere lab nahīñ ḳhāmosh

kar rahī hai tirī nazar bāteñ

koī samjhā.e aa ke nāseh ko

sun sake kaun is qadar bāteñ

us ke afsāne ban ga.e lākhoñ

maiñ ne jo kī thiiñ umr-bhar bāteñ

dam ulaT jā.egā 'azīz' 'azīz'

rah na ḳhāmosh kuchh to kar bāteñ

kash sunte wo pur-asar baaten

dil se jo ki thin umr-bhar baaten

be-sabab tere lab nahin KHamosh

kar rahi hai teri nazar baaten

koi samjhae aa ke naseh ko

sun sake kaun is qadar baaten

us ke afsane ban gae lakhon

main ne jo ki thin umr-bhar baaten

dam ulaT jaega 'aziz' 'aziz'

rah na KHamosh kuchh to kar baaten