kashana-e-hasti ko zara aur nikhaare

kāshāna-e-hastī ko zarā aur nikhāre

mehmān rah-e-tūr se pardes sidhāre

maiñ shāḳh-e-sanobar pe mahak ka mutalāshī

ai-vā.e bahāre agar iin ast bahāre

vo chashm-e-sitam-bar zahe qismat kabhī uTThe

be-dāġhī-e-dāman hai koī daaġh padhāre

kahne de abhī aur zarā der zarā aur

ham bāzī-e-ulfat tirī sarkār meñ haare

sab nā-kas-o-kas jal ga.e az hiddat-e-dil-soz

ai pīr-e-falak chāñd vale chand sitāre

maiñ vādī-e-bezār se sab dekh rahā huuñ

be-ātish-e-idrāk sar-e-tūr sharāre

kun-gīr-o-azal-gīr-o-abad-gīr hai ye naam

sau dil hoñ kisū paas so is naam pe haare

ab pursish-e-ahvāl kisī aur havāle

maiñ bārgah-e-'ishq se uThne ko huuñ pyāre

kashana-e-hasti ko zara aur nikhaare

mehman rah-e-tur se pardes sidhaare

main shaKH-e-sanobar pe mahak ka mutalashi

ai-wae bahaare agar in ast bahaare

wo chashm-e-sitam-bar zahe qismat kabhi uTThe

be-daghi-e-daman hai koi dagh padhaare

kahne de abhi aur zara der zara aur

hum bazi-e-ulfat teri sarkar mein haare

sab na-kas-o-kas jal gae az hiddat-e-dil-soz

ai pir-e-falak chand wale chand sitare

main wadi-e-bezar se sab dekh raha hun

be-atish-e-idrak sar-e-tur sharare

kun-gir-o-azal-gir-o-abad-gir hai ye nam

sau dil hon kisu pas so is nam pe haare

ab pursish-e-ahwal kisi aur hawale

main bargah-e-'ishq se uThne ko hun pyare