کاٹ کر کچھ پیڑ سب کو گھر بنانے کی پڑی ہے

کاٹ کر کچھ پیڑ سب کو گھر بنانے کی پڑی ہے

یار کس کو پنچھیوں کے آشیانے کی پڑی ہے

باپ کا سایا اٹھا ہے آج اس بیٹے کے سر سے

گاؤں کے لوگوں کو بس کھانے کھلانے کی پڑی ہے

بارہا ہی زخم دیتے جا رہے ہیں ہم نفس بھی

اور ہمیں بھی زخم کھا کر مسکرانے کی پڑی ہے

وہ کبھی تعلیم لینے جا نہیں پایا خدایا

پر اسے اولاد کو ہر دم پڑھانے کی پڑی ہے

اس بدن سے ہی تو رشتہ تھا یہاں پر دوست سب کا

مر گیا اب جسم تو جلدی جلانے کی پڑی ہے

ایک تو ہم عشق میں یاری گنوا بیٹھے ہیں شیکھرؔ

ایک ہم کو عشق جیون بھر نبھانے کی پڑی ہے