kaT kar kuchh peD sab ko ghar banane ki paDi hai

kaaT kar kuchh peḌ sab ko ghar banāne kī paḌī hai

yaar kis ko panchhiyoñ ke āshiyāne kī paḌī hai

baap kā saayā uThā hai aaj us beTe ke sar se

gaañv ke logoñ ko bas khāne khilāne kī paḌī hai

bārhā hī zaḳhm dete jā rahe haiñ ham-nafas bhī

aur hameñ bhī zaḳhm khā kar muskurāne kī paḌī hai

vo kabhī ta.alīm lene jā nahīñ paayā ḳhudāyā

par use aulād ko har dam paḌhāne kī paḌī hai

is badan se hī to rishta thā yahāñ par dost sab kā

mar gayā ab jism to jaldī jalāne kī paḌī hai

ek to ham ishq meñ yaarī gañvā baiThe haiñ 'shekhar'

ek ham ko ishq jīvan bhar nibhāne kī paḌī hai

kaT kar kuchh peD sab ko ghar banane ki paDi hai

yar kis ko panchhiyon ke aashiyane ki paDi hai

bap ka saya uTha hai aaj us beTe ke sar se

ganw ke logon ko bas khane khilane ki paDi hai

barha hi zaKHm dete ja rahe hain ham-nafas bhi

aur hamein bhi zaKHm kha kar muskurane ki paDi hai

wo kabhi talim lene ja nahin paya KHudaya

par use aulad ko har dam paDhane ki paDi hai

is badan se hi to rishta tha yahan par dost sab ka

mar gaya ab jism to jaldi jalane ki paDi hai

ek to hum ishq mein yari ganwa baiThe hain 'shekhar'

ek hum ko ishq jiwan bhar nibhane ki paDi hai