kawish-e-besh-o-kam ki baat na kar

kāvish-e-besh-o-kam kī baat na kar

chhoḌ dām-o-diram kī baat na kar

dekh kyā kar rahe haiñ ahl-e-zamīñ

āsmāñ ke sitam kī baat na kar

apnī āh-o-fuġhāñ ke soz ko dekh

saaz ke zer-o-bam kī baat na kar

yuuñ bhī tūfān-e-ġham hazāroñ haiñ

ishq kī chashm-e-nam kī baat na kar

saḳht uljhī haiñ ziist kī rāheñ

zulf ke pech-o-ḳham kī baat na kar

aaj sūd-o-ziyāñ kā saudā hai

aaj dair-o-haram kī baat na kar

dekh farhād kī tunuk-noshī

vus.at-e-jām-e-jam kī baat na kar

ham ne dekhā hai zarf-e-ahl-e-karam

ham se ahl-e-karam kī baat na kar

shab kī rañgīniyoñ kā zikr na chheḌ

hālat-e-sub.h-dam kī baat na kar

aaj mat chheḌ ġham ke afsāne

aaj ai dost ġham kī baat na kar

chhin na jaa.e tirā tabassum-e-lab

mere dard-o-alam kī baat na kar

kawish-e-besh-o-kam ki baat na kar

chhoD dam-o-diram ki baat na kar

dekh kya kar rahe hain ahl-e-zamin

aasman ke sitam ki baat na kar

apni aah-o-fughan ke soz ko dekh

saz ke zer-o-bam ki baat na kar

yun bhi tufan-e-gham hazaron hain

ishq ki chashm-e-nam ki baat na kar

saKHt uljhi hain zist ki rahen

zulf ke pech-o-KHam ki baat na kar

aaj sud-o-ziyan ka sauda hai

aaj dair-o-haram ki baat na kar

dekh farhad ki tunuk-noshi

wusat-e-jam-e-jam ki baat na kar

hum ne dekha hai zarf-e-ahl-e-karam

hum se ahl-e-karam ki baat na kar

shab ki ranginiyon ka zikr na chheD

haalat-e-subh-dam ki baat na kar

aaj mat chheD gham ke afsane

aaj ai dost gham ki baat na kar

chhin na jae tera tabassum-e-lab

mere dard-o-alam ki baat na kar