kab aaega wo shahzada tauba hai

kab aa.egā vo shahzāda tauba hai

khol ke baiThī huuñ darvāza tauba hai

ab tujh se milne kī ḳhātir sajtī huuñ

naak meñ motī muñh par ġhāza tauba hai

chaa.e mere haath se girne vaalī thī

us ne is andāz se ghūrā tauba hai

hoñToñ par vo āñkheñ jaise Thahrī haiñ

titlī par ik bhañvrā chhoḌā tauba hai

sharm se paanī ho jaane ko chāhe jī

juḌ kar mere saath hai baiThā tauba hai

aks usī kā mujh ko dikhne lagtā hai

jab bhī taktī huuñ ā.īna tauba hai

yuuñ hī bartan mez pe ab tak rakhe haiñ

ġhusse meñ kyoñ nāshta chhoḌā tauba hai

is par kaalā asmānī aur peach color

jachtā hai har rañg kā joḌā tauba hai

chūḌī toḌe chuTkī kaaTe chhup jaa.e

merī us dildār se tauba tauba hai

kab aaega wo shahzada tauba hai

khol ke baiThi hun darwaza tauba hai

ab tujh se milne ki KHatir sajti hun

nak mein moti munh par ghaza tauba hai

chae mere hath se girne wali thi

us ne is andaz se ghura tauba hai

honTon par wo aankhen jaise Thahri hain

titli par ek bhanwra chhoDa tauba hai

sharm se pani ho jaane ko chahe ji

juD kar mere sath hai baiTha tauba hai

aks usi ka mujh ko dikhne lagta hai

jab bhi takti hun aaina tauba hai

yun hi bartan mez pe ab tak rakhe hain

ghusse mein kyon nashta chhoDa tauba hai

is par kala asmani aur peach color

jachta hai har rang ka joDa tauba hai

chuDi toDe chuTki kaTe chhup jae

meri us dildar se tauba tauba hai