kab ahd wafa hoga ai jaan-e-wafa jaanan
kab ahd vafā hogā ai jān-e-vafā jānāñ
kab barsegī shānoñ pe zulfoñ kī ghaTā jānāñ
ummīd ke zindāñ se kab ḳhvāb rihā hoñge
utregā ḳhalāoñ se kab rizq-e-baqā jānāñ
miTTī mirī dhartī ke rangoñ ko tarastī hai
ubhregā hathelī pe kab rang-e-hinā jānāñ
ik ahd-e-sitam kal thā ik ahd-e-sitam ab hai
koī dast-e-shifā jānāñ koī dast-e-duā jānāñ
sab kuchh yūñhī honā thā hālāt hī aise the
kuchh niiñd kā mausam thā kuchh tum bhī ḳhafā jānāñ
kab ahd wafa hoga ai jaan-e-wafa jaanan
kab barsegi shanon pe zulfon ki ghaTa jaanan
ummid ke zindan se kab KHwab riha honge
utrega KHalaon se kab rizq-e-baqa jaanan
miTTi meri dharti ke rangon ko tarasti hai
ubhrega hatheli pe kab rang-e-hina jaanan
ek ahd-e-sitam kal tha ek ahd-e-sitam ab hai
koi dast-e-shifa jaanan koi dast-e-dua jaanan
sab kuchh yunhi hona tha haalat hi aise the
kuchh nind ka mausam tha kuchh tum bhi KHafa jaanan
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
