kab dil ke zaKHm chaaragaron se rafu hue

kab dil ke zaḳhm chāragaroñ se rafū hue

jo haath dil kī samt baḌhe sab lahū hue

shikve hue ki jaur hue sab hue tamām

vo husn-e-ittifāq se jab rū-ba-rū hue

jis ke sabab har ek suḳhan-fahm hai ḳhafā

muddat huī hai aap se vo guftugū hue

kiije talāsh tark-e-tamannā kī sūrateñ

guzrā hai ik zamāna jigar ko lahū hue

shorish hai ek mauj-e-talātum kī tham ga.ī

shorīda-sar zamāne kī jab aabrū hue

nikle jo manziloñ kī tamannā meñ kho ga.e

jo sañg-e-dar pe tere jhuke suraḳh-rū hue

kab dil ke zaKHm chaaragaron se rafu hue

jo hath dil ki samt baDhe sab lahu hue

shikwe hue ki jaur hue sab hue tamam

wo husn-e-ittifaq se jab ru-ba-ru hue

jis ke sabab har ek suKHan-fahm hai KHafa

muddat hui hai aap se wo guftugu hue

kije talash tark-e-tamanna ki suraten

guzra hai ek zamana jigar ko lahu hue

shorish hai ek mauj-e-talatum ki tham gai

shorida-sar zamane ki jab aabru hue

nikle jo manzilon ki tamanna mein kho gae

jo sang-e-dar pe tere jhuke suraKH-ru hue