kab ek rang mein duniya ka haal Thahra hai
kab ek rañg meñ duniyā kā haal Thahrā hai
ḳhushī rukī hai na koī malāl Thahrā hai
taḌap rahe haiñ paḌe roz o shab meñ uljhe log
nafas nafas koī pechīda jaal Thahrā hai
ḳhud apnī fikr ugātī hai vahm ke kāñTe
ulajh ulajh ke mirā har savāl Thahrā hai
bas ik khañDar mire andar jiye hī jaatā hai
ajiib haal hai maazī meñ haal Thahrā hai
kabhī nahīñ thā na ab hai ḳhayāl-e-sūd-o-ziyāñ
vahī to hogā jo apnā ma.aal Thahrā hai
us ek baat ko guzre zamāna biit gayā
magar diloñ meñ abhī tak malāl Thahrā hai
junūñ ke saa.e meñ ab ghar banā liyā dil ne
chalo kahīñ to vo āvāra-hāl Thahrā hai
baḌe kamāl kā niklā vo aadmī 'bilqīs'
ki be-hunar hai magar bā-kamāl Thahrā hai
kab ek rang mein duniya ka haal Thahra hai
KHushi ruki hai na koi malal Thahra hai
taDap rahe hain paDe roz o shab mein uljhe log
nafas nafas koi pechida jal Thahra hai
KHud apni fikr ugati hai wahm ke kanTe
ulajh ulajh ke mera har sawal Thahra hai
bas ek khanDar mere andar jiye hi jata hai
ajib haal hai mazi mein haal Thahra hai
kabhi nahin tha na ab hai KHayal-e-sud-o-ziyan
wahi to hoga jo apna maal Thahra hai
us ek baat ko guzre zamana bit gaya
magar dilon mein abhi tak malal Thahra hai
junun ke sae mein ab ghar bana liya dil ne
chalo kahin to wo aawara-haal Thahra hai
baDe kamal ka nikla wo aadmi 'bilqis'
ki be-hunar hai magar ba-kamal Thahra hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
