kab khet umidon ke tah-e-ab na aae

kab khet umīdoñ ke tah-e-āb na aa.e

kis rut meñ nirāshāoñ ke sailāb na aa.e

kuchh log madad ko to kināroñ pe khaḌe the

par Dūbne vaale hī sar-e-āb na aa.e

ai ziist hue dost mire surḳh-rū jin se

mujh ko tirī mahfil ke vo ādāb na aa.e

is shahr meñ sharminda har ik dar pe na hote

kyoñ hāthoñ ko ham sang tale daab na aa.e

Dartā huuñ 'sabā' kasrat-e-bārān-e-karam se

dil ret kā ghar hai kahīñ sailāb na aa.e

kab khet umidon ke tah-e-ab na aae

kis rut mein nirashaon ke sailab na aae

kuchh log madad ko to kinaron pe khaDe the

par Dubne wale hi sar-e-ab na aae

ai zist hue dost mere surKH-ru jin se

mujh ko teri mahfil ke wo aadab na aae

is shahr mein sharminda har ek dar pe na hote

kyon hathon ko hum sang tale dab na aae

Darta hun 'saba' kasrat-e-baran-e-karam se

dil ret ka ghar hai kahin sailab na aae