کب کسی مہرباں سے آتی ہے
عقل تو امتحاں سے آتی ہے
اس پرندے کو کیا پتہ اس کی
موت اڑ کر کماں سے آتی ہے
خاک کرتی ہے آشیاں کتنے
برق جب آسماں سے آتی ہے
ہاتھ دل پر رکھا کہا اس نے
شادمانی یہاں سے آتی ہے
اجڑا اجڑا ہے یہ مکاں لیکن
اس میں خوشبو کہاں سے آتی ہے
جیسی رکھتا ہے آدمی فطرت
سامنے وہ بیاں سے آتی ہے
جنم دیتے ہیں ماں پتا لیکن
موت آخر کہاں سے آتی ہے
گھر میں رہتی ہے ماں نظرؔ جب تک
روشنی آشیاں سے آتی ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
