kab mere haq mein chalai hai zaban logon ne

kab mire haq meñ chalā.ī hai zabāñ logoñ ne

har jagah apnī chalā.ī hai dukāñ logoñ ne

tarz-e-ulfat rakhā duniyā se nihāñ logoñ ne

aur adāvat ko yahāñ rakkhā ayaañ logoñ ne

firqoñ meñ baañT ke ham sāda-mizājoñ ko yahāñ

apne baare meñ rakhā achchhā gumāñ logoñ ne

maiñ samajhtā thā yahīñ log sarāheñge mujhe

baad marne ke sunī āh-o-fuġhāñ logoñ ne

haath phailā.e hue duniyā-e-dil daan kī hai

jab kabhī ham ko pukārā ye jahāñ logoñ ne

kab mere haq mein chalai hai zaban logon ne

har jagah apni chalai hai dukan logon ne

tarz-e-ulfat rakha duniya se nihan logon ne

aur adawat ko yahan rakkha ayan logon ne

firqon mein banT ke hum sada-mizajon ko yahan

apne bare mein rakha achchha guman logon ne

main samajhta tha yahin log sarahenge mujhe

baad marne ke suni aah-o-fughan logon ne

hath phailae hue duniya-e-dil dan ki hai

jab kabhi hum ko pukara ye jahan logon ne