kab mujhe tala-e-na-saz pe rona aaya
kab mujhe tāla-e-nā-sāz pe ronā aayā
dil-e-nādāñ kī tag-o-tāz pe ronā aayā
us kī pursish pe jo dekhā mutabassim mujh ko
rāz-dāñ ko mire andāz pe ronā aayā
aaj sayyād ko bhī apne giraftāroñ kī
jaane kyuuñ koshish-e-parvāz pe ronā aayā
aa gayā sāmne anjām taḌap uTThā dil
apne afsāne ke āġhāz pe ronā aayā
munhasir ashk kī do buuñd pe thā jis kā bharam
mujh ko ai 'qādrī' us raaz pe ronā aayā
kab mujhe tala-e-na-saz pe rona aaya
dil-e-nadan ki tag-o-taz pe rona aaya
us ki pursish pe jo dekha mutabassim mujh ko
raaz-dan ko mere andaz pe rona aaya
aaj sayyaad ko bhi apne giraftaron ki
jaane kyun koshish-e-parwaz pe rona aaya
aa gaya samne anjam taDap uTTha dil
apne afsane ke aaghaz pe rona aaya
munhasir ashk ki do bund pe tha jis ka bharam
mujh ko ai 'qadri' us raaz pe rona aaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
