kab nigah uski ishwa-bar nahin

kab nigah us kī ishva-bār nahīñ

kab nigāheñ karishma-zār nahīñ

ġhair par rahm ye kise aayā

tum to maanā sitam-shi.ār nahīñ

yaañ fuġhāñ se lahū Tapaktā hai

maiñ navā-sanj-e-shāḳhsār nahīñ

kulfat-e-dil se hai jo ālūda

gauhar-e-ashk ābdār nahīñ

ham haiñ aise farāḳh-rū darvesh

mahfil-e-pādshah se aar nahīñ

na jalā ḳhāna-e-adū to na hañs

shola-e-āh hai sharār nahīñ

baaġh be-sarfa chal ke kyā kiije

jin se thī baaġh kī bahār nahīñ

baada behūda pī ke kyā kiije

ab vo saaqī nahīñ vo yaar nahīñ

ai munajjam abas ye nādānī

tū kuchh andāza-dān-e-kār nahīñ

tū ravish-yāb-e-mehr-o-māh ġhalat

tū adā-sanj-e-rozgār nahīñ

vāqif asrār-e-āsmānī se

juz harīfān-e-bāda-ḳhvār nahīñ

chaḌh ga.e haiñ kisī ke phir dam par

'sheftā' aaj be-qarār nahīñ

kab nigah us ki ishwa-bar nahin

kab nigahen karishma-zar nahin

ghair par rahm ye kise aaya

tum to mana sitam-shiar nahin

yan fughan se lahu Tapakta hai

main nawa-sanj-e-shaKHsar nahin

kulfat-e-dil se hai jo aaluda

gauhar-e-ashk aabdar nahin

hum hain aise faraKH-ru darwesh

mahfil-e-padshah se aar nahin

na jala KHana-e-adu to na hans

shola-e-ah hai sharar nahin

bagh be-sarfa chal ke kya kije

jin se thi bagh ki bahaar nahin

baada behuda pi ke kya kije

ab wo saqi nahin wo yar nahin

ai munajjam abas ye nadani

tu kuchh andaza-dan-e-kar nahin

tu rawish-yab-e-mehr-o-mah ghalat

tu ada-sanj-e-rozgar nahin

waqif asrar-e-asmani se

juz harifan-e-baada-KHwar nahin

chaDh gae hain kisi ke phir dam par

'shefta' aaj be-qarar nahin