kab peD ki manind Thaharte hain musafir

kab peḌ kī mānind Thaharte haiñ musāfir

sūraj ko liye saath guzarte haiñ musāfir

yuuñ ḳhauf-e-fasādāt se chupkā hai zamāna

ab shahr meñ aane se bhī Darte haiñ musāfir

tārīki-e-shab kāhkashāñ maañg rahī hai

phir raat ke pahlū meñ sañvarte haiñ musāfir

ghar se to nikal aa.e haiñ jazbāt kī rau meñ

nairañgi-e-hālāt se Darte haiñ musāfir

sāhil kā tajassus hai junūñ-ḳhez hai manzar

girdāb meñ hañs hañs ke utarte haiñ musāfir

maiñ ek samundar huuñ tah-e-āb mujhe dekh

mujh se hī guhar le ke ubharte haiñ musāfir

himmat na kabhī haar na māyūs ho 'ḳhālid'

koshish kī badaulat hī sañvarte haiñ musāfir

kab peD ki manind Thaharte hain musafir

suraj ko liye sath guzarte hain musafir

yun KHauf-e-fasadat se chupka hai zamana

ab shahr mein aane se bhi Darte hain musafir

tariki-e-shab kahkashan mang rahi hai

phir raat ke pahlu mein sanwarte hain musafir

ghar se to nikal aae hain jazbaat ki rau mein

nairangi-e-haalat se Darte hain musafir

sahil ka tajassus hai junun-KHez hai manzar

girdab mein hans hans ke utarte hain musafir

main ek samundar hun tah-e-ab mujhe dekh

mujh se hi guhar le ke ubharte hain musafir

himmat na kabhi haar na mayus ho 'KHalid'

koshish ki badaulat hi sanwarte hain musafir