kab rihai ke talabgar the hum bhi tum bhi

kab rihā.ī ke talabgār the ham bhī tum bhī

jab mohabbat meñ giraftār the ham bhī tum bhī

chārāgar chāragarī apnī bhulā baiThe the

is qadar 'ishq meñ bīmār the ham bhī tum bhī

hāl-e-dil chehre se koī na kabhī jaan sakā

aa'lā darje ke adākār the ham bhī tum bhī

aaj kyā kyā na jatan karte haiñ jiine ke liye

kal talak marne ko tayyār the ham bhī tum bhī

kab rihai ke talabgar the hum bhi tum bhi

jab mohabbat mein giraftar the hum bhi tum bhi

chaaragar chaaragari apni bhula baiThe the

is qadar 'ishq mein bimar the hum bhi tum bhi

haal-e-dil chehre se koi na kabhi jaan saka

aa'la darje ke adakar the hum bhi tum bhi

aaj kya kya na jatan karte hain jine ke liye

kal talak marne ko tayyar the hum bhi tum bhi