کب رکا دور جام یاد نہیں
کب رکا دور جام یاد نہیں
توبہ کب آئی کام یاد نہیں
کب پریشاں ہوئیں تری نظریں
اور کب آئی شام یاد نہیں
لذت گفتگو ہے یاد اب تک
کون تھا ہم کلام یاد نہیں
کب تصور سے میرے گزرا تھا
وہ نسیم خرام یاد نہیں
رہزن ہوش ان میں کون بنا
وہ نگاہیں کہ جام یاد نہیں
یوں وصیؔ کا پتہ بتاتے ہیں
دل میں رہتا ہے نام یاد نہیں
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
