kab se qibla-ru baiThe hain harf-e-dua aur main

kab se qibla-rū baiThe haiñ harf-e-duā aur maiñ

ḳhāmoshī ke saath haiñ donoñ merā ḳhudā aur maiñ

ret kī lahroñ se har lamha bāteñ karte haiñ

donoñ dasht ke baasī nikle sannāTā aur maiñ

insānoñ ne ḳhvāb-e-zamīñ ko banjar kar Daalā

chhup chhup kar rote rahte haiñ ye duniyā aur maiñ

kab tak terī yaad junūñ kā saath nibhā.egī

kab tak āḳhir saath raheñge ek sadā aur maiñ

barsoñ se bas ik duuje ke saath safar meñ haiñ

jis raste par tum bichhḌe the vo rastā aur maiñ

apnī apnī taqdīroñ par sab ranjīda haiñ

shabnam aañsū raat sitāre ḳhvāb ghaTā aur maiñ

kab se qibla-ru baiThe hain harf-e-dua aur main

KHamoshi ke sath hain donon mera KHuda aur main

ret ki lahron se har lamha baaten karte hain

donon dasht ke basi nikle sannaTa aur main

insanon ne KHwab-e-zamin ko banjar kar Dala

chhup chhup kar rote rahte hain ye duniya aur main

kab tak teri yaad junun ka sath nibhaegi

kab tak aaKHir sath rahenge ek sada aur main

barson se bas ek duje ke sath safar mein hain

jis raste par tum bichhDe the wo rasta aur main

apni apni taqdiron par sab ranjida hain

shabnam aansu raat sitare KHwab ghaTa aur main