kab tak nibahen aise ghalat aadmi se hum

kab tak nibāheñ aise ġhalat aadmī se ham

duniyā hai 'maz.harī' se ḳhafā 'maz.harī' se ham

bhāge zarūr arsa-e-tañg-e-ḳhudī se ham

nikle magar na dā.ira-e-āgahī se ham

is zindagī ne aap se rakkhā hai mujh ko duur

kis tarah intiqām na leñ zindagī se ham

har jāma-e-sifāt meñ kyuuñ kar na jhol ho

hai ye ki nāpte haiñ ḳhudā ko ḳhudī se ham

tulte haiñ jis tarāzū meñ sīm-o-zar o guhar

kyā zulm hai diloñ ko bhī tauleñ usī se ham

sairābiyāñ 'jamīl' ko itnā na de sakīñ

jitnā ki faizyāb hue tishnagī se ham

kab tak nibahen aise ghalat aadmi se hum

duniya hai 'mazhari' se KHafa 'mazhari' se hum

bhage zarur arsa-e-tang-e-KHudi se hum

nikle magar na daira-e-agahi se hum

is zindagi ne aap se rakkha hai mujh ko dur

kis tarah intiqam na len zindagi se hum

har jama-e-sifat mein kyun kar na jhol ho

hai ye ki napte hain KHuda ko KHudi se hum

tulte hain jis taraazu mein sim-o-zar o guhar

kya zulm hai dilon ko bhi taulen usi se hum

sairabiyan 'jamil' ko itna na de sakin

jitna ki faizyab hue tishnagi se hum