kab tak phirna ghaaron aur guphaon mein

kab tak phirnā ġhāroñ aur guphāoñ meñ

aao vāpas lauT chaleñ ab gaañv meñ

sahrā meñ ik ret-mahal ta.amīr kareñ

sukh se baiTheñ añgūroñ kī chhāñv meñ

ruuh bhaTaktī hai bāġhī shahzādī kī

sunte haiñ in ḳhālī mahl-sarāoñ meñ

mujh meñ chhaTī his jaagī taaza miTTī kī

tuġhyānī hai phir pāñchoñ dariyāoñ meñ

gayyā to sardār ke baaġh meñ qatl huī

charvāhā sotā hai niim kī chhāñv meñ

ek ne beTī ek ne beTā janm diyā

kitnā farq hai ham donoñ kī maaoñ meñ

kab tak phirna ghaaron aur guphaon mein

aao wapas lauT chalen ab ganw mein

sahra mein ek ret-mahal tamir karen

sukh se baiThen anguron ki chhanw mein

ruh bhaTakti hai baghi shahzadi ki

sunte hain in KHali mahl-saraon mein

mujh mein chhaTi his jagi taza miTTi ki

tughyani hai phir panchon dariyaon mein

gayya to sardar ke bagh mein qatl hui

charwaha sota hai nim ki chhanw mein

ek ne beTi ek ne beTa janm diya

kitna farq hai hum donon ki maon mein