کب تلک اس خامشی کی ترجمانی ہو

کب تلک اس خامشی کی ترجمانی ہو

عشق کا اظہار اب تو منہ زبانی ہو

میہماں دل کے بنو تو مہربانی ہو

کب تلک اس درد دل کی میزبانی ہو

کس کے اشکوں نے کیا کھارا سمندر کو

اب عطا ساگر کو بھی کچھ میٹھا پانی ہو

لطف آتا ہی نہیں اوروں کو پڑھنے میں

درج پنوں میں ہماری بھی کہانی ہو

پیڑ کٹ کے بھی کسی کا گھر بناتا ہے

کام آئے سب کے ایسی زندگانی ہو

خامشی کو ہم وہاں اپناتے ہیں اکثر

بولنا اپنا جہاں بھی بے معانی ہو

کس کے بانہوں میں اسے بیٹھا ہوا ہے وہ

زیست جیسے یہ امتؔ کی جاودانی ہو