kab tasawwur mein tere dida-e-tar band kiya

kab tasavvur meñ tire dīda-e-tar band kiyā

ḳhāna-e-ā.ina meñ tujh ko nazar-band kiyā

kyā nazākat hai sabā us kī kamar kī jis ne

sub.h-dam tār-e-rag-e-gul se kamar-band kiyā

dil kā ahvāl jo khultā nahīñ tū ne ai chashm

qāsid-e-ashk ko aane se magar band kiyā

rāhat-e-ḳhvāb-e-adam dekh ke sab ne yak-dast

naqsh-e-pā se kaf-e-har-ḳhāk meñ dar-band kiyā

dekh 'mārūf' ki us shoḳh ne shab ko yak-dast

tā.ir-e-rañg-e-hinā ko ba-hunar band kiyā

kab tasawwur mein tere dida-e-tar band kiya

KHana-e-aina mein tujh ko nazar-band kiya

kya nazakat hai saba us ki kamar ki jis ne

subh-dam tar-e-rag-e-gul se kamar-band kiya

dil ka ahwal jo khulta nahin tu ne ai chashm

qasid-e-ashk ko aane se magar band kiya

rahat-e-KHwab-e-adam dekh ke sab ne yak-dast

naqsh-e-pa se kaf-e-har-KHak mein dar-band kiya

dekh 'maruf' ki us shoKH ne shab ko yak-dast

tair-e-rang-e-hina ko ba-hunar band kiya