kab tere zikr se dil shad nahin

kab tire zikr se dil shaad nahīñ

kab mire lab pe tirī yaad nahīñ

pūchhiye mujh se na hāl-e-māzī

kyā sunā.ūñ mujhe kuchh yaad nahīñ

vo nigāhoñ kā tasādum sar-e-rāh

mujh ko hai yaad tujhe yaad nahīñ

ishq aur husn hadoñ meñ apne

donoñ pāband haiñ āzād nahīñ

jis se zāhir na hoñ jazbāt-e-dil

sher vo mustahiq-e-dād nahīñ

istaqāmat nahīñ jis ko hāsil

vo to dhoka hai tirī yaad nahīñ

gulshan-e-ilm-o-adab meñ 'akmal'

hazrat-e-‘qadr’ sā ustād nahīñ

kab tere zikr se dil shad nahin

kab mere lab pe teri yaad nahin

puchhiye mujh se na haal-e-mazi

kya sunaun mujhe kuchh yaad nahin

wo nigahon ka tasadum sar-e-rah

mujh ko hai yaad tujhe yaad nahin

ishq aur husn hadon mein apne

donon paband hain aazad nahin

jis se zahir na hon jazbaat-e-dil

sher wo mustahiq-e-dad nahin

istaqamat nahin jis ko hasil

wo to dhoka hai teri yaad nahin

gulshan-e-ilm-o-adab mein 'akmal'

hazrat-e-‘qadr’ sa ustad nahin