kabhi bahaar na aai bahaar ki surat

kabhī bahār na aa.ī bahār kī sūrat

badal ga.ī chaman-e-rozgār kī sūrat

havā-e-lutf-o-karam ke faqat sahāre par

paḌe haiñ raah meñ gard-o-ġhubār kī sūrat

vafā kī shakl na dekhī tumhāre va.adoñ par

yahī zamāne meñ hai e.atibār kī sūrat

pas-e-fanā mirī qismat khulī vo rote haiñ

ḳhud apne ghar meñ banā kar mazār kī sūrat

bagūla dekh ke shukr-e-ḳhudā vo kahte haiñ

nazar meñ phir ga.ī ik ḳhāksār kī sūrat

jidhar zamāna phirā maiñ bhī saath saath phirā

jo rañg dekhā vahī iḳhtiyār kī sūrat

har ek baat pe chubhtī huī jo kahtā huuñ

tumhāre dil meñ khaTaktā huuñ ḳhaar kī sūrat

kisī kā bhes bhareñge 'saḳhā' haiñ chalte hue

hazār ruup se dekheñge yaar kī sūrat

kabhi bahaar na aai bahaar ki surat

badal gai chaman-e-rozgar ki surat

hawa-e-lutf-o-karam ke faqat sahaare par

paDe hain rah mein gard-o-ghubar ki surat

wafa ki shakl na dekhi tumhaare wadon par

yahi zamane mein hai eatibar ki surat

pas-e-fana meri qismat khuli wo rote hain

KHud apne ghar mein bana kar mazar ki surat

bagula dekh ke shukr-e-KHuda wo kahte hain

nazar mein phir gai ek KHaksar ki surat

jidhar zamana phira main bhi sath sath phira

jo rang dekha wahi iKHtiyar ki surat

har ek baat pe chubhti hui jo kahta hun

tumhaare dil mein khaTakta hun KHar ki surat

kisi ka bhes bharenge 'saKHa' hain chalte hue

hazar rup se dekhenge yar ki surat